Գինով լոգանքը, շոգեհարումը, խաղողի կորիզով և թարմ ճզմվացքով մաշկի պիլինգը, մերսումը խաղողի յուղով և շա՜տ ու շա՜տ այլ պրոցեդուրաներ ձեզ կտեղափոխեն մեկ այլ՝ եդեմական աշխարհ: Մեզ մոտ դուք անվճար կհամտեսեք խաղողի արևահամ հյութը և նրանից պատրաստված աստվածային խմիչքը` գինին:
Առաջին ծառը, որ տնկեց Նոյը` խաղողն էր: Խաղողը Աստծո երկնային պարգևն է մարդկությանը: Պատահական չէ, խաղողը համարվում է ընտրյալ ազգի խորհրդանիշն, իսկ գինին`արյան և կյանքի: Այն ունի բացառիկ բաղադրություն, ինչը հայտնի էր դեռ 7000 տարի առաջ: Հայտնի շատ գիտնականներ, ինչպես և Հիպոկրատը, պնդել են, որ այն իր բաղադրությամբ գրեթե չի տարբերվում մայրական կաթի բաղադրությունից: Այսինքն, նրա մեջ կան բոլոր այն նյութերն, որոնք անհրաժեշտ են օրգանիզմի կենսագործնեությունն ապահովելու համար. ջուր, շաքարներ, օրգանական թթուներ, ածխաթթուներ, սպիտակուցներ, հանքային նյութեր, ազոտային նյութեր, երկաթի աղեր, դաբաղանյութեր, ներկանյութեր, բջջաթաղանթ, օսլա, պեկտինային նյութեր, վիտամիններ հակաուռուցքային նյութեր:
